3. Kant eta Hegel: gerra eta bakeaz gogoetak
Testu hautapena eta sarrera: Hans-Christian Lucas
Itzulpena: Ibon Uribarri
Gerraren eta bakearen inguruko eztabaidak garrantzi handia izan du azken hamarkada hauetan, Bigarren Mundu Gerraren ondoren ere, batik bat arma nuklearren mehatxuaren eta Estatu Batuen eta Sobiet Batasunaren arteko disuasio-jokoaren inguruan. Gerra hotzaren amaierarekin, aldiz, zibilizazio, kultura edo etnia ezberdintasunak izaten ari dira antagonismo eta gatazken iturburu. Ez dago, dena den, historiaren bukaeraren tesiarekin geratzerik. Testuinguru honetan jasotzen ditu liburu honek bakeari eta gerrari buruzko Kanten eta Hegelen ideia nagusiak. Hans-Christian Lucas filosofo alemanak, sarrera orokor baten ondotik, gaiari buruzko bi filosofo handi horien testu nagusiak biltzen ditu, beren arteko antagonismo eta bateragarritasunak agerian uzteko asmoz.