11. Platon: Sokratesen Defentsa
Sarrera: Joxe Azurmendi
Itzulpena: Julián Peña
Itzulpenaren berrikuspena: Jesus Mari Arrojeria
Sokratesek mendebaleko lehen filosofian biragunea bere izenarekin markatzen du: natur-filosofia kosmologikotik ("presokratikoak") giza jokaeraren adierazpen eta kritika razionalera. Atenasen jaio zen, sineste eta balio tradizionalen krisialdi larri baten erdian, eta han bertan hil, Jainko berriak asmatzeaz eta gazteak perbertitzeaz salatua izanik eta astaperrexil pozoina edatera kondenatua. Filosofo erradikalki zintzo eta kritikoaren, kontzesiorik gabe egiazalearen eredutzat hartua izan da mendebaleko tradizioan. Sokratesek epaitegian egin omendako Defentsa, haren ikasle Platonek idatzi bezala, mundu literaturako testurik ezagunenetakoa da gaur. Joxe Azurmendiren sarrera batekin aurkezten dugu liburu honetan.